byron bay

hallo ond lauft dehei alles? i be e chli me als e woche en noosa blobe ond be jede tag of em braett gstande (ha jetzt no moskelkater). well de stefan en job brucht haet ond i au langsam weder s'rise oebercho han witer z'fahre haemmer eus uf de waeg gmacht rechtig brisbane wo de monsieur be mitsubishi am autowaesche esch (de treck met de baecher haet ergendwie ned funktioniert). i be nor ein tag en brisbane blobe ond han mi of de waeg rechtig surfers paradise gmacht. waer uf die schwachsennig idee cho esch de ort so z'naenne weis i au ned aber met paradise haets ned woerkli vell z'due. eis hochhuus am andere ond vo de stemmig so en "el arnela-ibiza-grand canaria" verschnett ond waell haets au kei gha :-( naja be de halt doch 2 taeg det blobe. nochere fiise bad bugs attacke e de 2. nacht ha mi de doch entschlosse rechtig nimbin witer z'fahre. nimbin esch so chli s'christania oder amsterdam vo australie. das send alles so alt 68-er wo de ganz tag am rauche send, aber erli gseit chasch det halt woerkli nuet anders mache. hoene + sari, euchi zwaergeborg met samt bewohner haet sech secherlech sauwohl gfuehlt ond waer au ned ufgfalle :-) oebernachtet han i, wies sech foer nimbin ghoert, notuerli em ene hippi-backpacker.

metlerwile ben i en byron bay won i wohrschednli au weder oebe e woche blibe. wies nochhaer usgseht weis i au nonig gnau... also moecheds guet ond bes gli

gruess

aendli en noosa acho...

of dae momaent han i lang gwartet, aendli han i choenne mis braett uspacke. of em waeg vo airlie beach do abe esch eigentlech ned vell passiet. osser d'bunderberg rumbrauerei :-) mer haend notuerli die obligatorisch tour metgmacht ond haend ghofft do fallt ab ond zue mol en tropfe foer eus ab, haend de aber trotzdem bes am schloss vo de tour moesse warte :-( aendli es so wit gsi, deguuuuuuustiere... hey das zueg haesch ned choenne trenke ond die send sogar no stolz of ere rum!!! naja, haend eus den halt schnaell es 6pack holt ond haend de fruscht abegspuelt.

wie scho gseit, mettlerwile semmer en noosa haeds acho, esch zwor e chli gsnopt haet aber en meeega strand (met waelle), ond do mer jo emmer no em auto schlofed spelt das sowieso kei rolle. wohrschendli blib i oebe e woche do ond de esch noechschte ziel surfers paradise oder tweed heads.

foeteli gets spoeter, ha mini kamera em auto vergaesse ;-)

gruess

ola amigos, aendli han is gschaft :-)

i be jetzt aendli onterwaegs, haet halt e chli laenger dueret
bes i min opel gfonde han... :-)
die erschte 3 woche han i en cairns verbrocht ond han d'tauchpruefig gmacht.
esch kool gsi met all dene chline nemos. soscht esch cairns nuet bsondrigs, i be froh das i aendli min roadtrip gstartet han.
i be met em stefan vo chemnitz (duetschland) onterwaegs, die wo am splash gsi send woessed jo wie das lauft... ;-)

mer haend metlerwile oebe 700 km zroggleit, das esch of de charte oebe en 1/2 cm, ond send en airli beach acho, so en chline partyort ond glichzitig au s'tor zo de whitesunday islands. s'bier esch oebrigens so schweine tuer das mer scho em auto moend schlofe...

also meitli ond buebe, i maeld mi es anders mol weder


ha no en chline fotoblogg ufdo...

http://picasaweb.google.com/mr.zipfel/

gruess philipp